എന്റെ ആകാശങ്ങള്‍
ജനലഴികള്‍ക്കിടയിലൂടെ കുഞ്ഞിക്കണ്ണുകളാല്‍ നോക്കിക്കണ്ടവിസ്മയത്തുണ്ടാണെന്നാദ്യത്തെയാകാശം.
മോരുകൂട്ടി വടിച്ച ചോറെന്‍ വായില്‍ത്തരുന്നതിന്നൊപ്പ-
മമ്മയെന്‍ കണ്‍കളിലമ്പിളിമാമനെ നിറച്ചൊരാകാശം.
മുഖമൊട്ടു കറുപ്പിച്ചെന്നാലുമവാച്യമാമൊരനുഭൂതിയായ്
മനസ്സില്‍ പെയ്തിറങ്ങിയൊരന്നത്തെയാകാശം.
അങ്ങകലെയെന്നറിഞ്ഞിട്ടും ചിറകു വിരിച്ച സ്വപ്നരഥങ്ങളിലേറി-
ച്ചെന്നു തൊടാന്‍ കൊതിച്ചൊരാകാശം.
പിന്നെപ്പിന്നെ,യൊന്നുരണ്ടടികള്‍ വയ്ക്കെത്തന്നെ-
ച്ചെന്നു തൊടാമെന്ന് തോന്നിച്ചയൊരുപാടാകാശങ്ങള്‍ !!
ചിലവയെന്നെ മാടി വിളിച്ചൂ .
എന്നാലെന്‍ നീട്ടിയ കൈവിരല്‍ത്തുമ്പുകളെ നോക്കി-
ച്ചിരിച്ചകന്നവയാണവയില്‍പ്പലതും !
ചിലവയെന്‍ മനസ്സില്‍ കാര്‍മേഘങ്ങള്‍ നിറച്ചവ !!
വേറെച്ചിലവയെന്‍ മോഹഗോപുരങ്ങളിലിടിത്തീ വീഴ്ത്തിയവ !!!
ഇനിയുമുണ്ടൊരുപാടാകാശങ്ങള്‍ !
എന്‍ മനോനീഡം വിട്ടിര തേടിയോരെന്‍ മോഹപ്പക്ഷി ചിറകടിച്ചുയര്‍ന്ന
ഒരുപാടു പാടലാകാശങ്ങള്‍ !
വെറെച്ചിലവ - സാന്ധ്യശോഭ നിറച്ചെന്നെ മാടി വിളിച്ചെന്നാലും
പാതി പോലും നിറയാത്ത മനസ്സിലേക്കിരുള്‍ വീഴ്ത്തിക്കൊണ്ട്
മറഞ്ഞ ക്ഷണികാകാശങ്ങള്‍ .
ഇനിയുമിനിയുമെന്നെക്കൊതിപ്പിക്കുന്നൊരെത്രയെത്ര
ചക്രവാളങ്ങളാണെന്‍ മുന്നില്‍ !!
ഒപ്പമിതാ കഴിഞ്ഞ പുലരിക്കു,മിനി,വരു,മന്തിക്കു,മിടയില്‍
മധ്യവഴി താണ്ടുന്നതേയുള്ളു; പടുതിരി കത്തുന്നൊരു സൂര്യനുണ്ടീ ഘടാകാശത്ത് !!!
Please change the deep red back ground color. It can cause eye strain. so unable to read the topic. Black letters on white ground is the best. if u want to use colors, use very light green blue orange yellow etc. Even The communists avoid blood color as back grnd.
ReplyDeleteBest of Luck. VB. I am pleased to find this.